သင်ဟာ ဆံပင်ရှည်ထားသူဆိုရင် အိပ်ရာဝင်ချိန်မှာ ဒီနည်း (၆) ခုနဲ့ ဆံပင်ကို ဂရုစိုက်ပါ

သင်ဟာ ဆံပင်ရှည်ထားသူဆိုရင် အိပ်ရာဝင်ချိန်မှာ ဒီနည်း (၆) ခုနဲ့ ဆံပင်ကို ဂရုစိုက်ပါ

သင့်ရဲ့ အသားအရေကို ဂရုစိုက်သလို ဆံပင်ကိုလည်း ဂရုစိုက်သင့်ပါတယ်။ ညအိပ်ခါနီး အချိန်မှာ အသားအရေတွေ၊ မျက်နှာအတွက် ခရင်မ်တွေ၊ lotion တွေလိမ်းကြပေမယ့် ဆံပင်ကို ထိန်းသိမ်းဖို့ မေ့နေတတ်ကြပါတယ်။

ဆံပင်ကို စည်းပြီး မအိပ်ရင် မနက်အိပ်ယာထတဲ့အခါမှာ ရှုပ်ပွနေပြီး ကြည့်ရဆိုးစေပါတယ်။ ဒါတင်မဟုတ်သေးပါဘူး။ တခြား ဘယ်လိုအရာတွေပါ ထိခိုက်စေလဲ ဆိုတာကို love media ကနေ အောက်မှာ ဖော်ပြပေးသွားပါမယ်နော်။

၁။ အရင်ဆုံး ဆံပင်တွေက ရှုပ်ယှက်ခတ်နေပါမယ်။

အိပ်တဲ့အခါမှာ ဆံပင်မစည်းတာက ဆံပင်တွေကို ထုံးသွားစေနိုင်ပါတယ်။ ခေါင်းအုံးနဲ့ ဆံပင်ကလည်း တောက်လျှောက်ပွတ်တိုက် နေမိပါမယ်။

ဒါကြောင့် မနက်နိုးလာလို့ မှန်ကြည့်တဲ့အခါမှာ ဆံပင်တွေ ရှုပ်ပွတာကို အရင်မြင်နေရပါလိမ့်မယ်။ ကြာလာတဲ့အခါမှာတော့ ဆံပင်ကို မလှမပ ဖြစ်သွားစေပါတယ်။

၂။ ဝက်ခြံ ဖြစ်စေနိုင်ပါတယ်။

သင်ဟာ ဝက်ခြံပေါက်လွယ်တတ်တဲ့သူ တစ်ဦးဆိုရင်တော့ အိပ်နေတဲ့အချိန်မှာ ဆံပင်ကို စည်းပြီးအိပ်တာက အကောင်းဆုံးပါပဲ။

သင့်ဆံပင်မှာ ကပ်နေတဲ့ ဖုန်မှုန့်တွေ၊ ခေါင်းလိမ်းဆီတွေက သင့်ချွေးပေါက်တွေကို ပိတ်သွားစေနိုင်ပြီးတော့ ဝက်ခြံတွေကို ဖြစ်စေနိုင်ပါတယ်။ ပြီးတော့ အသားအရေကိုလည်း ခြောက်သွေ့စေပြီးတော့ ယားယံစေနိုင်ပါတယ်။

ဒါကြောင့် ဆံပင်ရှည်တဲ့သူ အများစုဟာ ကျောကုန်းမှာ ဝက်ခြံတွေ ပေါက်နေတတ်ပြီးတော့ အိပ်တဲ့အခါမှာ ဆံပင်ကို သေချာလေး စည်းပြီးမှ အိပ်သင့်ပါတယ်။

၃။ ဆံပင်ရှည်တာကို ကြန့်ကြာစေတယ်။

သင့်ဆံပင်တွေ ရှုပ်ယှက်ခတ်နေတဲ့အခါမှာ cuticle ဟာ ကြီးလာပါတယ်။ တကယ်လို့ စည်းထားမယ် ဆိုရင်တော့ မလှမပဖြစ်နေတဲ့ ဆံသားတွေက ဖြည်းဖြည်းချင်းပြန်ပေါက်လာပြီး ဆံပင်ရှည်တာကို အထောက်အကူ ဖြစ်စေပါတယ်။ ဒါကြောင့် အိပ်နေချိန်မှာ ဆံပင်စည်းထားတယ် ဆိုရင် သင့်ကို ဆံပင်အရှည် မြန်စေပါလိမ့်မယ်။

၎။ ဆံပင်အရောင် ဖျော့သွားနိုင်တယ်။

ဆံပင်အတွက် အကောင်းစား ဆေးတွေကို သုံးမယ်ဆိုရင် ဆံကေသာတွေ လှလာမယ်လို့ သင်ထင်နေပါလိမ့်မယ်။ တကယ်တော့ ဆေးအကောင်းစားတွေ သုံးနေတာနဲ့ပဲ ဆံပင်က မလှပနိုင်ပါဘူး။ ဆေးတွေ အသုံးပြုတာက ဆံပင်အစိုဓာတ်ကို ကုန်ခမ်းသွားစေ နိုင်ပါတယ်။

အိပ်တဲ့အခါမှာ ဆံပင်ကို ဖားလျားချထားတာကြောင့် ခေါင်းအုံးနဲ့ဆံပင်နဲ့ ပွတ်တိုက်မှုတွေဖြစ်လာပြီး ပွတ်တိုက်မှု ပိုများလေလေ၊ အစိုဓာတ် အငွေ့ပျံလေလေ ဖြစ်လာပါတယ်။ ဒါ့ကြောင့် ဆံပင်အရောင်တွေလည်း ဖျော့သွားစေပါတယ်။

၅။ ဆံပင်ကို နှစ်ခွဖြစ်စေတယ်။

ဆံပင်နှစ်ခွ ဖြစ်နေတာက စိတ်အနှောက်အယှက် ဖြစ်စေပါတယ်။ ဆံပင်တိုင်းသာ နှစ်ခွဖြစ်နေရင် တော်တော်ကို ကြည့်ရဆိုးစေပါတယ်။

အိပ်ရာမဝင်ခင်မှာ ဆံပင်ကို မစည်းထားဘူးဆိုရင် ညဘက်မှာ ဟိုဘက်ဒီဘက် လှည့်နေတာဟာ သင့်ဆံကေသာကို ကွဲအက်ခြင်းတွေကို ဖြစ်စေနိုင်ပါတယ်။ တကယ်လို့ သင်က ဆံပင်ကို စည်းမအိပ်ချင်ဘူး ဆိုရင်တော့ ပိုးသားခေါင်းအုံးစွပ်ကို သုံးသင့်ပါတယ်။

၆။ အိပ်စက်တာကိုလည်း ထိခိုက်စေပါတယ်။

ဆံပင်ကို စည်းထားတာက ညဘက်အိပ်တာကို အထောက်အကူ ဖြစ်စေတဲ့အပြင် မနက် အိပ်ယာထရင်လည်း လန်းဆန်းစေပါတယ်။

မစည်းထားဘူး ဆိုရင်တော့ ဆံပင်တွေက မျက်နှာပေါ်ကို ကျလာပြီးတော့ အိပ်ရတာကို အနှောင့်အယှက် ဖြစ်စေပါတယ်။ သင့်ဆံပင်ကို ဂရုစိုက်ဖို့ အကောင်းဆုံး နည်းလမ်းကတော့ ဆံပင်ကို ညင်သာစွာ ဖြီးပြီး ကျစ်ဆံမြီးကျစ်ပြီး အိပ်တာပဲ ဖြစ်ပါတယ်။

Bonus: အိပ်နေတဲ့အချိန်မှာ သင့်ဆံပင်ကို ဘယ်လို ဂရုစိုက်မလဲ။

ပုံစံမမှန်တဲ့ အိပ်စက်ခြင်းတွေက သင့်ဆံပင်ကို အနည်းနဲ့အများ ထိခိုက်စေပါတယ်။ သင်အိပ်နေတဲ့အချိန်မှာ သင့်ဆံပင်ကို ဂရုစိုက်ဖို့ လွယ်ကူတဲ့ နည်းလမ်းများစွာရှိပါတယ်။

– ခေါင်းကို ပဝါနဲ့ပတ်ပါ။ ဖဲပဝါတွေ၊ ပိုးသားတွေက သင့်ဆံပင်နှစ်ခွ ဖြစ်တာကနေ ကာကွယ်ပေးပြီးတော့ ဆံပင်က အစိုဓာတ်တွေကိုလည်း မစုတ်ယူပါဘူး။

– သင့်ဆံပင်ကို ကျစ်ပြီး မျှော့ကြိုးနဲ့မချည်ဘဲ အစား ခေါင်းစည်းကြိုးအပျော့လေးနဲ့ ချည်ပါ။

– ကျစ်ဆံမြီး အမြဲကျစ်ပေးပါ။ ညဘက် အိပ်ယာဝင်တဲ့အခါမှာ မျက်နှာပေါ်ကိုလည်း ဆံပင်တွေ မကျတော့သလို အိပ်ယာထတဲ့ အခါမှာလည်း ဆံပင်က လှိုင်းတွန့်လေးတွေလို သဘာဝအတိုင်း ဖြစ်နေပါလိမ့်မယ်။

Zombie (lovemedia)

Be the first to comment

Leave a Reply

Your email address will not be published.


*